Ipikit Ang Mata

Isang kanta sa bawat tulos ng kandila sa bawat biyernes ng gabi—ang nauupos na KATARUNGAN. Hango sa tula ni Rio Ejercito Monge.

Verse 1 Himbing tayo sa oras na ‘to Yapos kita at gayundin ako Payapa ang gabi, bilog ang buwan Hindi na hihiling ng anupaman Hanggang sa tayo ay gulantangin Ng isang bulabog mula sa pinto Sumilip sa butas at sinabi mo, “Lahat sila ay armado”

Bridge Sigaw nila ang pangalan mo Kasama ng pangalan ko Ako’y nilingon mo Isang huling lingon Magkahawak tayong binuksan ang pinto

Chorus Pinadapa at inapakan Ang malamig na bakal ay, Nakariin sa uluhan Nagtatanong ng 'di maintindihan Pumipiglas at kumakalas Na siyang dahilan ng limang putok Ano na ba? Itigil na Ipikit ang mata Tumigil ang hiyaw

Verse 2 Sabik sa buhay ang mga demonyo Walang patawad at sinasanto Walang inosente, wala kang laban Wala silang pakialam kung sino ka man Hanggang tumagas ang mga dugo O sa pagitan ng hita ko Tumigil ang mundo, mata ay umitim Ang buhay ko ay dumilim

Bridge Sigaw nila ang pangalan mo Kasama ng pangalan ko Ako’y isama niyo Isama niyo sa inyo Hindi ko kayang mag-isa dito

Chorus Pinadapa at inapakan Ang malamig na bakal ay, Mas dumiin sa uluhan Nagtatanong ng 'di maintindihan Pumipiglas at kumakalas Na siyang dahilan ng limang putok Wala ka na, wala na siya Ipikit ang mata Ako ay susunod na