Kinakatakutan at ayaw nang muling balikan. Iyan ang Martial Law. Ito ay nagiwan ng maitim na dungis sa kasaysayan ng Pilipinas at sa kamalayan ng mga kababayan nating Pilipino. Tila sa kasulukuyang administrasyon ay nagbabadya muling pasabugin ang ideya ng Martial Law, oras na ba? Oras na para kumilos bilang nagkakaisang Pilipino bago pa man maulit ang kakilakilabot na ala-alang ayaw na natin ibalik.
Si Duterte ay ating nakikita bilang repleksyon ni Marcos at halos walang pinagkaiba ang estado ng Pilipinas sa kamay ni Marcos, sa kasalukuyang panahon. Tila muling hinuhukay ng ating Pangulo ang ideyolohiya ng Martial Law, at alakip nito, muli ring nahuhukay ang mga bangungot na pilit ibinaon ng ating mga kababayang Pilipino sa limot. Maisasawalang bahala na lamang ba ang mga buhay na naibuwis? Masasayang lang ba ang mga dugong dumanak? Sana tayo'y mamulat na hindi Martial Law ang tanging lunas sa mga problemang ating kinakaharap.
Walang masama sa pakikipag kaibigan, lalo na kung isang Prime Minister na ng isang malaking bansa ang iyong papatulan. Kilala ang ating pangulo bilang tigasin, at may kamay na bakal na presidente. Ngunit, kapag tsina na ang kaharap, tila lumalambot ito't sumusunod na lamang sa nais mangyari ng dayuhang bansa. Sa ipinakitang larawan, dito maipapakita na kailangan ng ating bansa ng isang lider na ipagtatanggol ng buong puso kung ano ang dapat ay para sa Pilipino, kailangan natin ng lider na magiging matigas para tumayo bilang isang independent na estado.
Bình luận